অসমৰ অনুসূচীত জাতি, অনুসূচীত জনজাতি আৰু অন্যান্য পিছপৰা শ্ৰেণীৰ লোকসকলৰ বহনক্ষম অৰ্থ সামজিক উন্নয়ন, ক্ষমতা বৰ্ধন আৰু ভাষা আৰু সংস্কৃতিৰ সংৰক্ষণ।
গুণগত গৱেষণা আৰু ক্ষমতা বৰ্ধন কাৰ্য্যসূচীৰ জৰিয়তে অসমৰ অনুসূচীত জাতি, অনুসূচীত জনজাতি আৰু অন্যান্য পিছপৰা শ্ৰেণীৰ লোকসকলৰ কল্যাণ সাধন কৰা।
এই প্ৰতিষ্ঠানৰ মুখ্য কাৰ্য্যাৱলীসমূহ হৈছে
(১) গৱেষণা
(২) মূল্যায়ন
(৩) পৰিকল্পনা আৰু
(৪) প্ৰশিক্ষণ
ইয়াৰ উপৰিও আন আন কাৰ্যযাৱলীৰ ভিতৰত আছে গ্ৰন্থৰ প্ৰকাশ, বছৰেকীয়া গৱেষণা পত্ৰিকাৰ প্ৰকাশ, প্ৰতিষ্ঠানৰ কাৰ্য্যক্ৰমৰ প্ৰচাৰৰ বাবে বিজ্ঞতাপূৰ্ণ আৰু প্ৰকাশনৰ ব্যৱস্থা, স্বাস্থ্য আৰু বনানীকৰণ সম্পৰ্কে সজাগতামূলক কাৰ্য্যসূচী, অনুসূচীত জাতি আৰু অনুসূচীত জনজাতিৰ বিষয়ক গ্ৰন্থৰ প্ৰকাশৰ বাবে গ্ৰন্থাকাৰক আৰ্থিক সাহাৰ্য্য প্ৰদান, ৰাষ্ট্ৰীয়, আঞ্চলিক আৰু ৰাজ্যিক পৰ্য্যায়ত প্ৰদৰ্শনীৰ আয়োজন, কেন্দ্ৰীয় চৰকাৰৰ দ্বাৰা নিৰ্বাচিত ডক্টৰেট আৰু পোষ্ট ডক্টৰেট ডিগ্ৰীৰ বাবে ফেলোশ্বিপ প্ৰদান, নৃ গোষ্ঠী যাদুঘৰ, প্ৰসংগ গ্ৰন্থাগাৰ, অনুসূচীত জাতি/অনুসূচীত জনজাতিৰ ওপৰত তথ্য বেংক, দলিল ৰচনা কেন্দ্ৰ, দৃশ্য-শ্ৰাব্যৰ মাধ্যমেৰে জনজাতীয় লোকসকলৰ জীৱন আৰু সংস্কৃতিৰ তথ্য চিত্ৰ আৰু আন আন বিষয়সমূহৰ তদাৰকী কৰা।